Gamaldags og gott kartöflusalat
Gamaldags og gott kartöflusalat
Uppskriftin miðast við fjóra fullorðna
Aðferð:
Sjóðið kartöflur í potti. Kæla þær svo undir köldu vatni og flysjið. Skerið þær síðan í stóra teninga, athugið að ofsjóða ekki kartöflurnar því þá getur verið erfitt að skera þær niður.
Teningarnir eru síðan djúpsteiktir í mjög heitri olíu þangað til þeir byrja að verða gullin-brúnir. Þeir eru síðan lagðir ofan á eldhúsrúllu til að þerra mestu olíuna af.
Rauðlaukurinn er skorinn gróft niður, graslaukurinn saxaður og öllu bætt saman við kartöflurnar. Því næst er kryddað með salti, pipar og þriðja kryddinu. Að lokum er öllu hrært varlega saman við Gunnars remolaðið og skreytt með heilum graslauk.
Salatið er bæði gott að borða volgt eða kalt.
Innihald (handa 4):
1kg af bökunarkartöflum
1 stór rauðlaukur
1 búnt graslaukur
Salt
Þriðja kryddið eftir smekk
Svartur pipar
Sólblóma olía
1 lítil dós af Gunnars remolaði
Kokkur.
Jesús Rodíguez Fernández
Grunnuppskrift frá móður Helenar.
Ljósmynd.
Marisa Navarro Arason
 |
Innihald: |